Leta ya Tanzaniya irakwiye kwibuka ko kwakira impunzi bitava ku gushaka kw’igihugu ahubwo ko biva ku masezerano mpuzamakungu ico gihugu cateyeko igikumu. Bivugwa na Vital Nshimirimana, arongoye urunani rw’amashirahamwe adaharanira ivyicaro vya politike (FORSC). Akaba abivuze inyuma y’amajambo yashikirijwe n’umugenduzi mukuru ajejwe igisata c’impunzi muri ico gihugu aho yamenyesheje ko amakungu adashobora kubabuza gutahukana impunzi z’Abarundi ku nguvu. Vital Nshimirimana akongerako ko impunzi z’Abarundi zizotaha ari uko zibishaka.