Ikiza ca Corona kirabandanya kugwirirana mu gihugu c’Uburundi aho abantu barenga 600 aribo batorwa ku ndwi ku ndwi ku murwa mukuru wa politike i Gitega. Abarongoye iyo ntara bakemeza ko ico kiza cabaye ndanse. Jacques Nduwimana, musitanteri wa komine Gitega, amenyesha ko igituma ico kiza ca Corona cibonekeza cane muri iyo ntara ari kubera abantu bava mu bindi bihugu canke mu zindi ntara baza bayizanye, ariko kandi n’abanyagihugu ntibakurikiza ingingo zo kwikingira ico kiza.