Urunani rw’Abashingwamanza baburanira abakorewe amabi ahanwa na Sentare mpuzamakungu CAVIB rusaba umukuru w’igihugu Evariste Ndayishimiye kwisunga ububasha ahabwa n’ibwirizwa nshingiro kugira ahane abacamanza barya ibiturire aho kwidodomba. Ivyo bikaba biri mw’itangazo CAVIB yasohoye kuri uyu wa gatatu, nk’uko bishikirizwa n’umushingwamanza Gustave Niyonzima, arongoye urwo runani. Ivyo akaba abishikirije inyuma y’aho umukuru w’igihugu amenyeshereje kuri uyu wa kabiri ko igisata c’ubutungane kizingamitswe n’ibiturire.