Amajambo yashikirijwe n’umushikirizamanza mukuru wa Republika ateye isoni avuzwe n’umuntu yari ajejwe kuraba ko umutekano w’Umurundi wese wubahirijwe biciye mu matohoza y’ubutungane. Bivugwa na Charles Nditije, uwurongoye umugambwe UPRONA utavuga rumwe na leta. Ku bwiwe, ngo ntiyari akwiye kwiyamiriza ayo mabi akorerwa ababurwa irengero atabanje kugira amatohoza y’ukuri. Ngo ni ingendo y’ugushaka gukingira abakoze ayo mabi. Kubwa Nditije, ngo mu gihugu c’amategeko yategerezwa kubogozwa vyihuta.