Abakenyezi babiri bo muri komine ya Mugamba mu ntara ya Bururi barafungiwe kuva ku munsi wa mbere mu gasho k’iyo komine. Imvo zatumye bafungwa zikaba zitaramenyekana. Ariko amakuru ava mu kibano, yemezako boba bariko barakurikiranwa kubera abagabo babo bahunze igihugu. Ibihagaritse umutima umuhari Inamahoro, abakenyezi n’abigeme baharanira amahoro n’umutekano mu Burundi. Kubwa Marie Louise Baricako, arongoye uwo muhari, Abarundi bagenda barata akaranga k’ubuntu. Agahamagarira abo bose bajejwe iyubahirizwa ry’amategeko gufata ico kibazo mu minwe.