Biragoye kurwanya igiturire mu Burundi ngo kubera ko abasahura amatungo ya Leta bayisumvya inguvu. Ivyo bishikirizwa na Gabriel Rufyiri, arongoye ishirahamwe OLUCOME. Gabriel Rufyiri yongera akavuga ko n’inzego zashinzwe kugira zirwanye igiturire zitashoboye guhana abagirizwa kunyonora amatungo ya Leta. Ivyo Gabriel Rufyiri abishikirije inyuma y’aho umugabane wa Afrika uhimbaje ku munsi w’ejo igenekerezo rya 11 Mukakaro, umunsi wahariwe kurwanya igiturire.