Amajambo ashikirizwa n’umukuru w’igihugu Evariste Ndayishimiye mu bijanye no kurwanya ibiturire n’isesegaura ry’amatungo ya Leta ngo ni meza arahumuriza. Ariko rero, ngo arakwiye gushira mu ngiro ivyo avuga nk’uko aherutse kubikora kw’ishirahamwe OTRACO. Ico ni ico cipfuzo c’ishirahamwe OLUCOME rijejwe kurwanya abarya igiturire n’abasesagura amatungo ya leta.