Ingingo yo kwirukana ku mugaragaro umuyobozi mukuru w’ishirahamwe OTRACO ikaba ikengurukwa n’ishirahamwe OLUCOME rirwanya ibiturire n’isesagurwa ry’amatungo ya leta. Gabriel Rufyiri arirongoye, agatangazwa no kubona umukuru w’igihugu ariwe aja gufata iyo ngingo mu gihe hariho inzego nyinshi ziri munsi yiwe zari gushobora kumufasha zigafata ingingo nk’iyo imbere ko bishikira urwego rwiwe. Gabriel Rufyiri akaboneraho gusaba umukuru w’igihugu gufata n’izindi ngingo ku bandi bose boba baragize uruhara mw’inyuruzwa ry’amatungo y’igihugu.