Icuka ca politike ngo nticigeze kiba ciza mu mwaka wose uheze Evariste Ndayishimiye aramutswa igihugu. Jérémie Minani, arongoye umugambwe w’ihuriro ry’abaharanira intwaro rusangi mu Burundi RDB, avuga ko ata gitangaje kirimwo kubera ko Evariste Ndayishimiye yashikiriye ubutegetsi biciye mu busuma. Jérémie Minani yongera akamenyesha kandi ko iyo abakuru b’ibihugu bashitse ku butegetsi biciye muri mwene ubwo buryo, bitwara uko bashatse kuko ataco baba baremereye abanyagihugu mu gushika ku butegetsi.