Abaharanira agateka ka zina muntu bari mu baherutse gucirirwa urubanza rwo gufungwa ubuzima bwabo bwose na Sentare ntahinyuzwa bagiye kubandanya urugamba rwo kurwanira agateka ka zina muntu. Umushingwamanza Dieudonné Bashirahishize, ari mu baciriwe urwo rubanza, avuga ko ari urubanza rwa politike rufise intumbero yo kunumya uwo wese ashaka kuvugira abariko barahohoterwa n’ubutegetsi. Akavuga ko bagiye kwitura ama sentare mpuzamakungu kuko ubutungane bw’Uburundi buri mu kwaha kw’umugambwe uri ku butegetsi.