Amashirahamwe aharanira agateka ka zina muntu asabwa gushigikira abakorewe ubwicanyi i Bugendana mu mwaka w’1996, mu kurondera ubutungane mpuzamakungu bushobora guhana abakoze iryo bara. Akamo gaterwa n’ishirahamwe AC Génocide Cirimoso ibisata vya Canada na Suède. Biri mw’itangazo bashize ahabona kuri uno wa gatanu hibukwa imyaka 27 iheze habaye ubwicanyi bwahitanye Abatutsi i Bugendana mw’ijoro ryo ku wa 20 rishira uwa 21 Mukakaro umwaka w’1996. Dr Emmanuel Nkurunziza, arongoye AC Génocide igisata ca Canada, arahumuriza abiciwe y’uko bitebe bitebuke bazoronka ubutungane.
Amakuru
22 juillet 2023
