Ishirahamwe ryishinze kurwanya igiturire n’isesagurwa ry’amatungo ya leta OLUCOME ririyamiriza ivyo ryita ubusuma biriko birakorwa mu mugambi wo gufatanya amashirahamwe ya SOBUGEA na Air Burundi. Gabriel Rufyiri, arongoye OLUCOME, amenyesha ko amahera arenga igice c’umuliyaridi w’amafranga y’amarundi amaze gusohorwa gusa mu bijanye n’ukwiga ishirwa mu ngiro ry’uwo mugambi. Agasaba umukuru w’igihugu guhagarika iryo nyuruzwa ry’amafaranga.