Amafaranga arenga imiliyoni 39 y’amarundi ni yo yamenyekanye ko yanyurujwe mu bitaro 38 biri mu gihugu. Vyashikirijwe n’umushikiranganji w’Amagara y’abantu, Dr Sylvie Nzeyimana, mu kiganiro yahaye abamenyeshamakuru kuri uyu wa mbere, ku vyaranguwe n’ubwo bushikiranganji mu mezi atatu aheze. Yamenyesheje kandi ko abagirizwa ubwo bunyonyezi bari mu minwe y’ubutungane.