Mw’ishirahamwe rijejwe kurwanya igiturire n’isesagurwa ry’amatungo ya Leta OLUCOME, bavuga ko bidatahuritse gufatanya amashirahamwe abiri, rimwe muri yo ryahomvye irindi rigihagaze. Kubwa Gabriel Rufyiri arongoye OLUCOME, ukwiyunga kw’ayo mashirahamwe, kurimwo vyinshi vyihishijemwo. Aratanga uburorero bw’ayandi mashirahamwe yagiye arashirwa mu minwe y’abikorera utwabo, atigeze atanga umwimbu uboneka.