Umwigisha Christophe Sebudandi asigiye iragi ry’umwete n’ukwubahiriza agateka ka zina muntu abo bakoranye muri ico gisata. Ubwo ni bwo butumwa butangwa na Justine Nkurunziza, aharanira agateka ka zina muntu, akaba yarakoranye igihe kirekire na Sebudandi mu mashirahamwe adaharanira ivyicaro vya politike. Amuvuga nk’umuntu yakora akazi adashaka kwiyerekana, kandi akagakora mu burwaneza bwinshi. Justine Nkurunziza akaba ahojeje umuryango wiwe w’amaraso, hamwe n’umuryango w’abo bakoranye. Umwigisha Sebudandi akaba yitavye Imana ku munsi wa gatandatu igenekerezo rya 24 Kigarama 2022, mu gihugu c’Ububirigi.