Ifungwa ry’umupfakazi wa Thierry Kubwimana riteza urubwa igihugu cose c’Uburundi, ivyo yagirizwa ko yoba afise uruhara mw’igandagurwa ry’umugabo wiwe ngo ntaho bifatiye. Bivugwa na Charles Nditije, arongoye umugambwe UPRONA utavuga rumwe n’ubutegetsi, akabona ko ifungwa ry’uwo mukenyezi ryerekana ko ubwo bwicanyi bushobora kuba burimwo bamwe mu bategetsi. Ku bwiwe, ngo iyo baba batarimwo, ubutungane n’izindi nzego za Leta ntivyoguma mu gacerere nk’ako barimwo.