Umuhari Inamahoro, abakenyezi n’abigeme baharanira amahoro n’umutekano, uriyamiriza ubwicanyi bwasubiye kuba ndanse mu bice bitandukanye vy’igihugu. Marie Louise Baricako, arongoye uwo muhari, ababazwa n’ingene benshi mu bakora ubwo bwicanyi bari mu bari bategerezwa gukingira abo banyagihugu nyene. Ahamagarira abategetsi b’igihugu kuva mu majambo asosa bakaja mu bikorwa kugira barwanye ukudahana mu gihugu.