Haribonekeza ubukene bw’ibifungurwa mu mabohero nka yose yo mu gihugu. Bishikirizwa n’ishirahamwe ryishinze kurwanya ihohoterwa rya kiremwa muntu (ACAT-Burundi). Umushingwamanza Jean Claude Ntiburumunsi, arongoye igisata c’amategeko muri ACAT-Burundi, yemeza ko ibifungurwa bitagishika mu bubiko bw’amabohero atandukanye. Ishirahamwe ACAT-Burundi riranegura ugushaka guke kwa leta kugira ico kibazo gitorerwe umuti, kandi rigasaba y’uko amategeko yokwubahirizwa.