Umutekano w’ikigo citwa Capitole i Washington muri Leta zunze ubumwe za Amerika uracungerewe bidasanzwe. Aho niho uwugiye kurongora ico gihugu, Joe Biden, azokwimikirwa ku musi wa gatatu itariki 20 Nzero. Abasirikare barenga ibihumbi 20.000 akaba aribo bamaze kuhagera. Ukwo kuhacungerera umutekano bidasanzwe kukaba ari ugutegekanya gutuza abashigikiye Donald Trump bo mu mugambwe w’aba républicains ntibasubire gutera ico kigo.