Ivyo leta zunze ubumwe za Amerika zagiriza Urwanda ku gitero giherutse kuba mw’ikambi y’abateshejwe izabo ya Mugunga mu gisagara ca Goma nta fatiro bifise. Bivugwa na Albert Rudatsimburwa, umumenyeshamakuru akaba n’umuhinga, abona ko leta zunze ubumwe za Amerika zagumanye intumbero yo guhungabanya akarere mu gushikiriza amakuru aryanisha ibihugu bibanyi. Rudatsimburwa akibutsa ko ivyagiriji nk’ivyo ata ho bitaniye n’ivyo uwuserukira leta zunze ubumwe za Amerika yaheruka kwagiriza Urwanda ko rwateye ingabo za MONUSCO, ivyiyamirijwe n’uwuserukira Urwanda mu Nama ya ONU ijejwe umutekano.

• Twitter
• Facebook
• LinkedIn
• Pinterest
• E-mail
• WhatsApp