Igihugu c’Urwanda nta buryo bwa Pegasus cigeze gikoresha mw’iperereza. Bivugwa na Vincent Biruta, umushikiranganji ajejwe imigenderanire y’ico gihugu n’ayandi makungu. Ivyo yabishikirije mu kiganiro yahaye abamenyeshamakuru kuri uyu wa kane. Akaba yabishikirije inyuma y’aho urwego rw’iperereza rw’igihugu c’Urwanda rwagirijwe ko rwakoresheje uburyo bwa Pegasus mu kurondera amakuru. Vincent Biruta akamenyesha ko ababivuze bari bafise iyindi ntumbero.