Umwana w’umukobwa w’imyaka 6 yarafunzwe mu nzu mu kiringo c’ukwezi  kwose, arafatwa ku nguvu n’umugabo akuze yitwa Raphael, ku mutumba wa Gifugwe muri komine Mpanda, mu ntara ya Bubanza. Ku makuru dukura ku bavyeyi b’ico kibondo, atubwira ko Raphael yahagaritswe arajanwa gufungwa mu gasho ka polisi ya Mpanda, kandi akaba yariyemereye ico caha. Umushingwamanza Jeanne d’Arc Zaninyana, umunyamabanga mukuru w’umuhari w’abakenyezi n’abigeme baharanira amahoro n’umutekano mu Burundi (MFFPS) aratera ivyatsi ico kibi kibishe agasaba kandi ko abantu nk’abo bari bakwiye guhanwa hakurikijwe amategeko.