Abakenyezi bapfunzwe bakwiye gufatwa mu buryo bwihariye, kuko bafatwa nk’abantu b’intege nke, nk’uko itegeko rigenga amabohero ribivuga. Ivyo bisigurwa na Anitha Gateretse, umuhuzabikorwa mw’ishirahamwe rukristu rirwanya ihohoterwa rya kiremwa muntu, ACAT-Burundi. Ni mu gihe uno wa gatatu ugira umunsi ugira kabiri abakenyezi bapfungiwe mw’ibohero rikuru rya Muyinga bisonzesheje, mu ntumbero yo gusaba ko uburenganzira bwabo bwokwubahirizwa. Anitha Gateretse asaba umushikiranganji w’Ubutungane kwihutira gutora umuti w’ico kibazo kugira abo bakenyezi batunganirizwe.
Amakuru
23 août 2023
