Abarwayi bahamagarirwa kwubahiriza ivyo abaganga babandikira. Ni akamo gaterwa na Isidore Ntiharirizwa, umwunganizi w’umushikiranganji w’Amagara y’abantu. Yabivuze mu gihe amakungu ariko ahimbaza indwi yahariwe kurwanya indwara zitumva imiti, ku matariki 18-24 Munyonyo. Akavuga ko abantu bose vyega bategerezwa guhaguruka kugira ingendo yo kutubahiriza imiti ihinduke.