Mu gihe ibitigiri vy’abanduye umugera wa Corona biguma biduga mu Burundi, leta ngo yari ikwiye gufata ingingo zo kurwanya ako karanda, kandi zigafatwa nk’itegeko. Ako ni akamo ka Jeanne d’Arc Zaninyana, umunyamabanga mukuru w’umuhari w’abakenyezi n’abigeme baharanira amahoro n’umutekano (MFFPS). Jeanne d’Arc Zaninyana asaba kandi abanyagihugu kwubahiriza amategeko ajanye n’ukurinda igwirirana ry’ikiza ca Corona.