Hari akarwi kigira ivyo gashaka mu ntara ya Rumonge, ngo kitwaza kuba kegereye musitanteri na buramatari. Umukuru w’Igihugu Evariste Ndayishimiye yabishikirije ku wa gatanu uheze igenekerezo rya 24 Ruheshi 2022, aho yari aramutse aja gutanga inyigisho zo gukunda igihugu muri iyo ntara. Ayo majambo arashimwa na Gabriel Rufyiri, arongoye ishirahamwe rirwanya ibiturire n’isesagurwa ry’amatungo ya leta (OLUCOME), ariko agasaba uwurongoye Uburundi gufata ingingo yo kubuza abari mu bibanza vya politike kudandaza.