Ikigega citwa « AGATEKA KACU » carashizweho n’abarundi bahungiye mu gihugu c’Urwanda bari kumwe n’ishirahamwe Maison Shalom kugira kize kirafata mu mugongo imigambi mito mito ifasha impunzi kwiteza imbere. Umushingwamanza Emmanuel Nkengurutse, umwe mu biyumviriye gutanguza ico kigega, akamenyesha ko bashizeho ico kigega kuva aho mu kwezi kwa gatanu impunzi zimwe zimwe ziri mw’ikambi y’impunzi zitakironswa imfashanyo. Bakaba bashatse gufasha kugira ntihagire uwubapfana n’inzara.