Ugushaka guke kwa politike nikwo gutuma kugeza n’ubu ata tegeko rigenga ivyo gutorana mu Burundi rirajaho. Bivugwa n’umuhari w’abakenyezi n’abigeme baharanira amahoro n’umutekano mu Burundi. Jeanne d’Arc Zaninyana, umunyamabanga mukuru w’uwo muhari, akamenyesha ko n’aho iryo tegeko ritarajaho, hari igihe abakenyezi n’abigeme batorana iyo bituye ubutungane, gutyo bagashobora gutunganirizwa bagatorana vyaba ibisigi vy’uwo bari bubakanye canke vy’abavyeyi.