Ubwicanyi bwakozwe mu mwaka w’1972 ngo n’ihonyabwoko ryakorewe Abarundi bo mu bwoko bw’Abahutu, bwakozwe n’intwaro ya Michel Micombero. Uko niko umugambwe Sahwanya-FRODEBU ubibona. Mu kiganiro umukuru w’uwo mugambwe yahaye abamenyeshamakuru kuri uyu wa gatanu i Bujumbura, Pierre Claver Nahimana asaba umurwi CVR ujejwe kumenya ukuri no kurekuriranira mu bikorwa vyawo urimwo gutohoza no ku bundi bwicanyi bwakurikiye kugeza ubu, kugira hamenyekane ukuri.