Muganga Christophe Sahabo yamenyeshejwe kuri uyu wa gatatu ingingo imugumiza mw’ibohero rya Mpimba. Iyo ngingo yafashwe kw’itariki rya 13 Mukakaro umwaka w’2022 n’igisata bita Chambre de conseil ca Sentare isubiramwo imanza ya Muha. Ingingo amenyeshejwe inyuma y’iminsi 7 mu gihe itari kurenza amasaha 48, ni ukuvuga iminsi ibiri. Ivyo abize amategeko banegura. Umushingwamanza Gustave Niyonzima, avuga ko ipfungwa rya Muganga Christophe Sahabo ririmwo imvo za politike. Aributsa kandi ko Muganga Christophe Sahabo yari yarengukijwe igenekerezo rya 08 Mukakaro umwaka w’2022.