Nta citwazo na kimwe Leta ya Tanzaniya ifise kugira yirukane impunzi ku nguvu. Ivyo bishikirizwa n’umuhinga mu mategeko Janvier Bigirimana. Akabivuga inyuma y’aho abategetsi b’ico gihugu ca Tanzaniya bamenyesheje ko impunzi zose z’Abarundi zo mw’ikambi ya Nyarugusu zifise umuntu wo mu muryango yasubiye mu gihugu nazo zitegerezwa gutaha. Janvier Bigirimana akabivuga yisunze amategeko mpuzamakungu akingira impunzi ico gihugu cashizeko igikumu.