Abantu 20 barishwe mw’ijoro ryo ku wa gatanu igenekerezo rya 22 Kigarama muri zone ya Gatumba, komine Mutimbuzi mu ntara ya Bujumbura. Muri abo bagandaguwe 12 ni abana, nk’uko biri mw’itangazo ryasomwe n’umunyamabanga mukuru wa leta, Jérôme Niyonzima. Ku bw’iryo tangazo nyene, bahitanywe n’igitero cakozwe muri segiteri ya Vugizo ku ngo 9, hari nk’igihe c’isaha zibiri n’iminota 40 z’ijoro. Jérome Niyonzima amenyesha ko amatohoza yamaze gutangura kugira ababikoze bafatwe hanyuma bashengezwe imbere y’ubutungane.
Amakuru
26 décembre 2023
