Ishirahamwe OLUCOME risaba leta y’Uburundi gutanguza umugambi wo gucandaga Abarundi mu kwirinda ikiza ca Corona. Atari uko, ngo leta izoba iriko irahonyanga uburenganzira bwo kuvuza abanyagihugu bayo, uburenganzira burekuwe n’ibwirizwa nshingiro ry’igihugu n’ayandi masezerano Uburundi bwateyeko umukono mu bijanye n’agateka ka zina muntu. Mw’itangazo ryasohotse kuri uyu wa mbere, Gabriel Rufyiri, arongoye OLUCOME ahamagarira inzego zitandukanye, amashirahamwe n’amadini ngo batahure bongere bahanure leta ijijuke ifate ingingo zibereye zo kurwanya umugera wa Corona.