Igipolisi kijejwe imbibe, abasohoka n’abinjira, PAFE, caratanguje ku mugaragaro ubuhinga bwo gusaba ivyangombwa biciye ku rubuga ngurukanabumenyi. Umukuru wa PAFE, général de brigade de police, Maurice Mbonimpa, yabisiguye kuri uyu wa kabiri uheze akavuga ko ubwo buryo bushasha kandi bugezweho buzofasha mu gushobora guha izo mpapuro abantu benshi basigaye babitura biyongereye cane kuva mu minsi iheze. Ubwo buryo kandi buzotuma ingeso y’ibiturire yari muri ico gisata icibwa burundu.