Iyunguruzwa ry’impunzi z’abarundi zari mw’ikambi ya Mutenderi zikungururizwa i Nduta ryarahonyanze amategeko n’amasezerano akingira impunzi. Ivyo ni ibishikirizwa n’urunani rw’abashingwamanza bahurikiye mw’ishirahamwe CAVIB ryishinze kuburanira abanyagihugu bakorewe amabi ahanwa n’amasentare mpuzamakungu. Izo mpunzi zikaba zitaronkejwe uburenganzira bwo kugenda zimukanye ivyo zari zitunze harimwo n’utwo zari zararimye. Umushingwamanza Gustave Niyonzima, arongoye CAVIB, akavuga ko biri mu rukwirikirane rwo gutahisha impunzi ku nguvu.