Ibura ry’ibitoro riguma ari ikibazo gikomeye mu gihugu cose rigatuma n’ibiciro ku masoko biguma biduga. Kuva mu ntango z’ino ndwi, ku ma stasiyo yo mu gisagara ca Bujumbura, nta n’imodoka zitondeye igitoro zari zicibonekeza kiretse ku ma stasiyo y’ishirahamwe Interpetrol Energy, ari naryo ryonyene mu Burundi ridandaza igitoro. Willy Nderagakura, umuyobozi ajejwe ubudandaji mw’ishirahamwe Interpetrol Energy, arahumuriza ko bariko baragerageza kurondera ingene kiboneka mu minsi mike.