Ugupfunga umunyagihugu umuziza ivyiyumviro vyiwe canke umwuga wiwe, ni uguhonyanga agateka kiwe ngenderwako arekuriwe ku rwego mpuzamakungu, ivyo rero bigatuma igihugu kigira ishusho mbi mu makungu. Bishikirizwa na Fabiyano Banciryanino, yahoze ari umushingamateka mu kiringo giheze. Imwe mu ngaruka Fabiyano Banciryanino atangako akarorero ni uko Uburundi busa n’ubutacizewe kugeza aho ishirahamwe mpuzamakungu ONU rigena intumwa yaryo idasanzwe yama iriko iracungera ibijanye n’agateka ka zina muntu mu Burundi.