Ibinyamakuru vya leta ngo vyarafashije cane mu guhimiriza abanyagihugu mu bijanye no kuriha amakori hamwe n’ukurwanya igiturire. Vyashikirijwe na Léocadie Ndacayisaba, umushikiranganji w’Ukumenyesha amakuru. Hari kuri uyu wa mbere aho yariko ashikiriza ivyaranguwe n’ubwo bushikiranganji mu mezi 6 aheze. Léocadie Ndacayisaba avuga kandi ko ubwo bushikiranganji bwize ku kibazo c’ishirahamwe ONATEL n’ingene ryonagurwa.