Abategetsi b’Uburundi babandanya kunebagura urucanco rwa Corona. Aho yari mu ntara ya Rutana kuri uyu w’Imana igenekerezo rya 17 Gitugutu 2021, Alain Guillaume Bunyoni, umushikiranganji wa mbere, yaburiye abanyagihugu ko urucanco rwa Corona rwaje gihutihuti kandi rushobora kugira ingaruka mbi. Alain Guillaume Bunyoni avuga ko ari naco gituma abarwiteje bandura kandi bagahwera. Ni mu gihe kuri uyu wa mbere igenenekerezo rya 18 Gitugutu 2021, hatangura gutangwa incanco za Corona mu gisagara ca Bujumbura. Ariko akaba ata mutegetsi n’umwe yitabiriye ico gikorwa.