Leta ya Tanzaniya iriko ihonyanga amategeko mpuzamakungu y’i Genève akingira uburenganzira bw’impunzi. Ivyo bishikirizwa na Janvier Bigirimana, umuhinga mu vy’amategeko. Akaba abivuze mu gihe impunzi z’Abarundi ziriko ziratahuka zibuzwa guhungukana ivyo zitunze. Agatera akamo ishirahamwe mpuzamakungu ONU gukora ivyo ishoboye kugira ibwirize abategetsi ba Tanzaniya guhindura iyo ngendo.