Ifatwa rya Nadine Kanyange rirahagaritse umutima abajejwe agateka ka zina muntu. Uwo mwigeme aba muri komine Mabanda, intara ya Makamba yafatiwe aho nyene i Mabanda mw’ijoro ryo ku wa gatanu uheze nk’isaha zitatu  nk’uko bivugwa n’umwe mu barwanira agateka ka zina muntu Pacifique Nininahazwe. Uwo atwara  ishirahamwe FOCODE yemeza ko yabimenyeshejwe na bamwe mu ncuti z’uwo yafashwe. Kuri we, igiteye amakenga n’uko icatumye afatwa n’uburyo afunzwemwo bitaramenyeshwa abaryango biwe gushika ubu. Pacifique Nininahazwe ariyamiriza kandi ivy’ugufata abantu bidaciye mu mategeko biguma vyibonekeza mu gihugu.