Evelyne Mpawenimana, umwigeme w’imyaka 16, yarafaswe ku nguvu n’umwigisha wiwe yitwa Nacquis Bucumi. Umuhari w’abakenyezi n’abigeme baharanira amahoro n’umutekano uratera ivyatsi ayo mabi yakorewe umwana yiga mw’ishure shingiro ry’i Gitwa mu Kayogoro mu ntara ya Makamba. Claudine Ndayishimiye, ajejwe kumenyesha amakuru muri uwo muhari, asaba leta guhana bimwe vy’akarorero uwo mwigisha.