Emmanuel Ntakiyiruta, umugabo w’imyaka irenga 50 asanganywe ibibazo vyo mu mutwe, arafungiwe mw’ibohero rya Gitega kuva kw’igenekerezo rya 4 Ntwarante. N’aho yerekanye ibipapuro vyo kwa muganga vyerekana ko ariko aravurwa, ntiyaretse kwagirizwa kuba yarasavye ku mugaragaro ko abagirijwe gutembagaza ubutegetsi ku wa 13 Rusama 2015 borekurwa ata gisabwe. Kubw’umushingwamanza Gustave Niyonzima, amategeko atari make yarahonyanzwe mw’ifungwa ryiwe. Agatanga akarorero k’ingingo ya 25 y’igitabo mpanavyaha c’Uburundi. Ku bwiwe, ngo urwo rubanza rwabaye urwa politike.