Bubaye ubwa kabiri inama nkenguzamateka ya leta zunze ubumwe za Amerika ikorana kugira icire urubanza Donald Trump. Kuva ku munsi wa kabiri, abakenguzamateka bariko biga ko uwahoze ari umukuru w’igihugu ca Amerika ari we yatumye itariki 6 Nzero abamushigikiye binjira mu nyubakwa Capitole ikoreramwo abashingamateka n’abakenguzamateka, uwo munsi hakaba hapfiriye abantu batanu. Mu gihe vyokwemezwa ko Trump yakoze iryo kosa, akaba atazoshobora gusubira kwitoza mu kibanza c’umukuru w’igihugu.