Muganga Christophe Sahabo, yahoze arongoye ibitaro Kira Hospital, yaraye akwije amezi 13 mw’ibohero rya Ruyigi, atarigera arenguka imbere y’umucamanza. Umushingwamanza Gustave Niyonzima ariyamiriza ubutungane bwahinduwe igikoresho co guhohotera abatabonwa neza n’ubutegetsi. Ku bwiwe, kubona Muganga Sahabo apfungirwa kure y’umuryango wiwe, n’ahari sentare iriko iramuburanisha, ni ibigaragaza ko urubanza rurimwo ihonyangwa ry’amategeko. Agasaba ko yoshirwa imbere y’intahe akaronka akanya ko kwisigura ku birego vyatumye apfungwa.
Amakuru
4 mai 2023
