Ishirahamwe rukristu rirwanya ihohoterwa rya kiremwa muntu rirahagaritswe umutima n’ikumirwa ry’umumenyeshamakuru Floriane Irangabiye ku rutonde rw’abaserukira abandi mu murwi w’abanyororo baraba ibijanye n’amagara y’abantu mw’ibohero rya Bubanza. Ivyo bigaragarira mw’ikete ryo kwisigura ubuyobozi bukuru bw’amabohero mu gihugu bwandikiye uwurongoye ibohero rikuru rya Bubanza rimubaza igituma yahisemwo Floriane Irangabiye. Anitha Gateretse, umuhuzabikorwa mw’ishirahamwe ACAT-Burundi, aributsa ubugenduzi bw’amabohero ko buriko burahonyanga ingingo ya kabiri y’amategeko yubahiriza agateka ka zina muntu ku mugabane wa Afrika, n’amategeko ku rwego rw’ishirahamwe ONU akingira abanyororo abuza ikumirwa ry’abanyororo hisunzwe ubwoko canke izindi mvo.
Amakuru
17 mai 2024
