Ishure ry’abana bato, école maternelle mu gifaransa, rigiye kwubakwa mu gihugu c’Urwanda n’ikigo mpuzamakungu Maison Shalom. Kuri uyu wa gatatu niho uwatanguje ico kigo, Marguerite Barankitse, ari kumwe n’umushikiranganji ajejwe imigenderanire n’ayandi makungu w’ubwami bwa Luxembourg bashira ibuye rya mbere ahazokwubakwa iryo shure ku cicaro gikuru c’ico kigo mu karere ka Kicukiro mu bumanuko bw’igisagara ca Kigali. Richard Nijimbere, arongoye Maison Shalom mu Rwanda, amenyesha ko intumbero bafise ari ukwigisha ubuntu mu banyeshure babo kuko ngo baramaze kubona ko kenshi amashure ashira ubumenyi imbere gusumba.