Igituma abarimyi muri rusangi bataronka ifumbire n’imbuto ku gihe ngo biva ku bakozi bo mu bushikiranganji bw’Uburimyi n’ubworozi baba bariko barakwega ibirenge. Ni ivyemezwa na Déo Guide Rurema, umushikiranganji w’Uburimyi n’ubworozi. Akaba yabivuze mu nama yagiranye n’abarimyi b’i Gishubi mu ntara ya Gitega. Uwo mushikiranganji akamenyesha abarimyi ko hagiye gufatwa ingingo kugira ngo babonere ku gihe ifumbire.