Umukuru w’igihugu c’Uburundi niwe yategerezwa kurenganura umupfakazi Christa Kaneza amaze amezi 10 arenga afungiwe ubusa. Bivugwa n’umushingwamanza Jeanne d’Arc Zaninyana, umunyamabanga mukuru w’umuhari w’abakenyezi n’abigeme baharanira amahoro n’umutekano mu Burundi (MFFPS). Agahamagarira abakenyezi bose gufatana mu nda bashobore kuguma bavugira abariko baramererwa nabi kubera ukudahana ivyaha mu Burundi kwabaye ndanse.