Ishirahamwe rirwanya ibiturire n’isesagura ry’amatungo ya leta (OLUCOME) rirashimira umushikiranganji w’intwaro yo hagati Gervais Ndirakobuca ngo kuko afise umutima wo gukingira itunga ry’igihugu. Bikaba vyavuzwe na Gabriel Rufyiri, arongoye ishirahamwe OLUCOME, inyuma y’aho umushikiranganji w’intwaro yo hagati yasavye abajejwe gutoza amakori mu gisata kijejwe kwunguruza abantu n’ibintu banyuruje imiliyoni zirenga 51 z’amafranga y’Amarundi, ko ku wa mbere w’indwi iza bazoba bayishuye. Gabriel Rufyiri arasaba Gervais Ndirakobuca ko umwete afise yowubandanya ngo kandi ntihagire n’umwe arenganya.